有時做男人真係幾慘，拍拖嘅時候總係要付出大部分嘅使費，最淒涼仲係錢使咗，但有可能畀對方欺騙同玩弄。好似西本明日香咁，玩弄男人就最叻喇。不過，阿妹如此高質，畀佢玩多幾次都心甘命抵啦！
無論係亞洲定係歐美，好多女星都會隨住人氣上升而出現面貌改變，好似日本超人氣水着女星杉原杏璃咁，初出道嘅時候塊面又腫，一對朱唇又厚得過分，上圍亦冇乜睇頭，之但係漸漸爭取到人氣之後就愈變愈索，更憑驕人嘅G-Cup上圍迷盡亞洲男仔，改變認真大！而另一位水着索女西本明日香同佢都差不多。今年25歲嘅西本明日香五官標致，配埋一張瓜子口臉，以及攝人眼神，認真美艷迷人。不過，阿妹初出道嘅時候，塊面冇家陣咁尖咁削咁靚，至於點解會變到咁好睇呢？我哋都冇必要深究啦！總之啱睇咪得囉！明日香個樣變靚咗好多，但係胴體就一直冇變，長期保持曲線玲瓏，一副33D-23-33身材相當誘人。
明日香於2010年出道，憑其驕人身材成為好多寫真雜誌嘅寵兒，同時推出過唔少寫真集以及寫真DVD，仲做過日本職業甲組足球聯賽隊伍磐田山葉嘅代言女郎。而阿妹唔單只憑身材吸引觀眾，仲聲色藝俱全，因為佢除咗係水着女優，亦係一名歌手，去到不同綜藝節目做嘉賓玩遊戲之餘，亦會獻唱娛樂觀眾，更曾經喺電視節目《模仿紅白歌會Special》當中盡顯出色歌藝添。提到阿妹演出過唔少電視節目，就不得不提《男女糾察隊》喇。節目當中，安排出名鹹濕嘅搞笑藝人吉村崇同另外兩位男演員，與明日香等三個女仔去到卡拉OK進行聯誼活動，期間吉村崇難抵明日香嘅誘惑，透過手機短訊作出情慾對話。當明日香表示情緒高漲想同對方上床，吉村崇梗係乜都唔理就同明日香返屋企。去到香閨，起初吉村崇都未有動作，但係經明日香不斷挑逗，令佢獸性大發。幸好，明日香嘅男友及時殺到，搞到吉村崇幾乎縮陽，雙方對峙一輪之後，吉村崇至知難而退。其實，一切都係明日香受到導演指使而玩弄吉村崇，而男友亦係假扮嘅。阿妹你玩人真係好叻呀！
西本明日香係群居動物，最鍾意就係同班姊妹四圍吃喝玩樂，仲會將拍低嘅照片上載，想睇吓明日香同班姊妹有幾老友，不妨Click去睇睇。
網址：http://ameblo.jp/1010239/
年齡：25歲
身高：5呎4吋
三圍：33D-23-33
撰文：賢