渡海濠情：徵求包養 千祈咪咁揚
美國有個23歲女大學生，因為負擔不起昂貴學費同生活費，竟然在網上徵求青年才俊包養，而嚟自9號會所嘅Helen就話，係要畀人包養都咪搞到街知巷聞吖！
身家清白
Helen話：「我讀大學時好多女同學都一樣感覺生活壓力，而最有效嘅方法，就係搵個男人包養，但佢哋一定唔會打晒鑼咁宣傳，搞到件事街知巷聞，因為日後就算有人包養，你一出街就有人指指點點，就算做女仔嘅唔怕醜，但做男人嘅都會有壓力，因為啲青年才俊或者老闆富豪，佢哋要包養都情願包養一啲身家清白嘅人，佢哋帶你出街，最低限度都見得吓人，介紹你時話你係某某大學生或者擁有某某專業，喺豬朋狗友面前不知幾威水。」
被人認出
又講得幾啱喎！Helen繼續：「但如果你公開搵人包養，家陣啲人肉搜尋不知幾厲害，一定起到你底，到時街知巷聞，帶你出去時啲朋友一望就話識得，咪係幾多個月前公開搵人包養嘅大學生囉！你話個男人聽到會幾咁無癮呢？所以呢啲事都係靜雞雞做最好，好似我有個同學，閒閒哋三五萬人仔一個月零用錢，仲未計食住同買名牌衫同包包！」
Helen's Profile
年齡：22歲
三圍：35-24-35
撰文：小德
攝影：阿昌