日本女仔又靚又識打扮，後生嘅夠萌，中年嘅夠韻味，真係令我哋香港男仔趨之若鶩。之不過，未必個個妹都有女人味，有唔少仲帶男人味，好似福見真紀咁就樂於做個男仔頭。點解？為咗帶畀觀眾更多娛樂囉！
近年亞洲地區興起一股偽娘風潮，有唔少男仔以扮女仔為樂，學女仔一樣化個靚妝，着女裝，入面仲戴埋胸圍添。雖然點樣打扮係個人自由，但係我就唔係幾識欣賞，因為我始終覺得男人應該有男人味，至唔會愧對天地，唔會愧對胯下嘅好兄弟；不過若然係女仔變身男仔形象，我就比較鍾意，福見真紀就鍾意玩呢科喇。
20歲嘅真紀妹嫩口可愛，面上一臉稚氣，笑起上嚟兩邊面珠仔仲有少少肥，應該係飽滿至啱，睇落又多幾分天真無邪感覺，難怪被人稱為「像小貓一樣的蘿莉少女」。身材方面，真紀上圍只屬微乳級別，但係屁股仔有肉地，條小蠻腰又幼又柔軟，加上肌膚滑溜兼帶光澤，拍埋其他巨乳水着旁邊亦絕對唔會失禮。
2009年出道嘅真紀以拍攝水着寫真DVD為主，參加日本綜合性雜誌Weekly Playboy舉辦嘅第七屆「比堅尼公主」時，成功奪得冠軍，從而進軍藝能界。大家都知道要喺藝能界上位，除咗靠美貌、身材、演技，仲要講運氣，真紀就係欠少少運氣，所以未能得到電視台同電影界青睞，一直發展平平。幸好，真紀冇因此而灰心，後來得到賞識被挑選入女子團體「中野女Sisters」，仲被編入團體中嘅風男塾組別。組別入面嘅成員個個都係美貌少女，但係就要以男裝打扮演出，而真紀一啲都冇介意，反而表現出男仔嘅型同酷，因而備受讚賞。亦由於阿妹嘅男性化表現，令佢演出舞台劇如《愛麗絲界內目線！》等，都被要求反串，同樣以出色又投入嘅表現獲得掌聲。
福見真紀一有空閒時間就四圍去蒲，想知道佢最近又同班姊妹去邊度飲飲食食兼遊歷，可以Click上佢個博客睇睇。
網址：http://ameblo.jp/mak1ch1blog/
年齡：20歲
身高：5呎3吋
三圍：31 - 22 - 31
撰文：賢