又係Violet Blue，呢位美國才女，集性學家、兩性關係專家、性學作家及節目主持於一身，一年總會有幾部著作出街，而今次阿姐唔再講古，實實際際教夫妻情侶揀性玩具、點玩性玩具，同點樣令性玩具變出更多刺激玩法，書名叫《The Adventurous Couple's Guide to Sex Toys》，咁齊料試問你點可以唔支持呢？
本書實用之餘，而且分類清晰，全書共分10個章節，由市場上大小性玩具分類，到男女性玩具、愉虐用品及情趣禮品都一一講解，之後仲會教各位按個人需要及習慣挑選心水性用品，進階係安全使用愉虐用具，跟住再討論性玩具創新玩法，而細佬認為最值得睇係用家忽略嘅性玩具衞生，及戳破性玩具商誤導性宣傳手法，令各位玩得安心又放心！
書名：《The Adventurous Couple's Guide to Sex Toys》
售價：約HK$90
撰文：祖