早前飛往首爾一班越南民航嘅空姐，突然變成比堅尼女郎，女乘客張口嘩然，男乘客就十分興奮，口哨聲不絕，至於點解班空姐全部變身成比堅尼女郎呢？原來係為慶祝新航線開通。據資料顯示，早於2012年亦曾有越南廉價航空嘅空姐穿上比堅尼示人，結果畀民航單位罰咗航空公司1,000美元，即約7,800港元。由於內地網站廣泛報道，搞到不少網友都話好想捧場，要乘搭越南民航見識一下。但可能失望嘅多，因為人哋平時都係着番空姐制服嚟接待客人，只係喺特別日子做宣傳才會以比堅尼示人，唔係航空公司搵埋都唔夠交罰款呀！
撰文：小德