每逢有人事變動，新官上場雖然未必一定會三把火，但多多少少也要搞一些動作，好讓外面知道這家場已經易幟了，當然也希望來個滿堂紅，說的是最近濠江有家夜店有位新老總上場，面對逆市新官依然奮力作戰，先推出一些益人客優惠，儘管不是甚麼無敵大禮，但總會對消費者有刺激的作用。這星期，我身邊已經先後有兩組朋友過去跳茶舞，「反正都要玩，新人事，又睇吓佢有咩新作風，而且買套票仲有酒送，叫做慳番多少啦。」其中一位捧場朋友回來說。
「其實間場一向都唔錯，不過街外啲靚女就側晒一邊，去晒嗰一兩間新場，對呢度難免會有影響，所以新人上陣，先招番班靚女坐鎮，然後再配合埋啲優惠，出師有名希望引番班舊客上嚟之餘，都吸到新客。」這家場的前員工告訴我。
當然，靚女是否留得住，還要看這一炮是不是成功打得響，「囡囡放啲，班經理、媽咪又玩得劈得，加上早前裝修過，一排無嚟，依家上去，感覺唔同晒，我諗我都會同朋友再上去。」這是另一位捧場朋友的賽後意見。
現在做場，真的是出少分力也不成。
撰文：黃韋龍