Emily Scott都唔識，證明你對脫模界冇乜留意！阿妹都算大起大落，紅過沉過、愛過痛過，走嚟走去，如今剝吓停吓，不變係架生Keep得仲弗，30歲先嚟剝都未遲吖！
報稱澳洲出生，但由細到大都喺英美生活嘅Emily Scott，早喺01年已經活躍幕前，計計數原來已有十多年資歷，咁多年仲咁弗咁索，你都咪話唔出奇？阿妹吸引人不只在相頭架生，仲有一份不服輸精神，佢從未規限過自己要喺幕前做啲乜，平面及電視廣告都拍唔少，跟住又做內衣Model，平日又愛玩健身，結果連健身模特兒都撈埋一份，Model界極度睇好Emily有潛力再上一層，偏偏佢呢度做吓，嗰度碌吓，可以爆紅又偏要當兼職！
更爆係佢好有音樂才華，最鍾意去夜場打碟，有指早喺06年已跟英國歌手 Robbie Williams巡回歐美表演，之後阿妹亦有出個人混音大碟《Clublife》，外界反應不俗。查實Emily大可食住個勢喺樂壇發展，但佢對任何成就都毫不在乎，一年後更豁出去剝一剝，佢就話藝術成分好高，但街外反應咪又係裸照！
到咗08年更失驚無神同一位英國男子組合歌手Ritchie Neville拉埋天窗，搬回悉尼居住，點知4個月後就離婚收場。離婚對男人絕對係好事，因為阿妹有機會重返脫模界，可惜等了又等，Emily都係揀番老本行做音樂監製，成績就認真麻麻喇。09年Emily盡地一煲，參加澳洲真人騷「Dancing with the Stars」表演音樂才華，無奈又被踢出局。
之不過佢失敗都冇人留意，事實外界最睇佢副偈，34D-24-34天然靚偈油浸都唔肥，5呎9吋高，皮膚又滑溜，30歲同班「o靚模」絕對有得Fight，經歷過人生大起大落，最後係咪會以脫模做終身職業，暫時冇人知，但佢肯露你又點可以唔睇先？
簡介：未算全職剝衫，所以寫真可遇不可求，睇佢網站就好似睇自傳咁，官網得3欄，分別係音樂、短片及圖片，鍾意聽歌可以網上買，鍾意睇佢打碟，免費有得睇，圖片除咗有露點寫真，亦有唔少佢接受不同國家男士雜誌訪問，晒波晒籮，正呀！
網址：www.emilyscotthq.com/
出生日期：1983年6月3日
三圍：34D-24-34
身高：5呎9吋
撰文：祖