每年都有唔少乜乜小姐選舉，聲稱選出嘅佳麗會代表香港向世界宣傳本地文化。然而，事實上往往都係名不副實，一來未必係美貌與智慧並重，二來對本地文化認知極淺，邊度似得河瀨杏美呢位車模咁，名副其實又真材實料，唔單只係佢嘅身材，仲有佢對賽車嘅熱誠同認識。
日本嘅水着女優年輕貌美又有活力，換上一身火辣三點式於海邊或泳池戲水，比起生猛嘅游水老鼠斑更能夠令男人流乾口水。之不過，水着妹玩水係就係好叻又好誘惑，但事實上佢哋好多都唔鍾意，甚至係唔識得游水，小弟就覺得有點兒諷刺，亦認為佢哋唔多夠專業，虛有其表。其實，好多車模亦一樣，出入賽車場與車為伴，卻係對汽車全無認識，不過河瀨杏美就係例外。今年24歲嘅杏美俏麗可人，活潑可愛卻又帶幾分冷艷，憂鬱嘅眼神更係迷死人。作為新一代人氣車模嘅杏美，除咗樣子標青，身材更加正到得人驚！身高5呎7吋已經高於一般女仔，着上高跟鞋出席公開活動嘅時候，更加高人一等，鶴立雞群。此外，阿妹仲有34E堅挺巨乳，從其寫真集當中，可以見到其E奶質感極具彈性同可塑性，一睇就知係貨真價實嘅天然真胸！
雖然日本賽車女郎的確質素超班，但係杏美擁有如此驕人天賦，故此上年一出道就備受注目，人氣冒升相當之快，唔少賽車迷同龍友都變成阿妹嘅粉絲，只要杏美去到邊，佢哋就跟住去邊，所以大家只要用「河瀨杏美」上網作搜尋，不難發現唔少車迷龍友嘅博客，都上載咗一輯又一輯有關杏美嘅寫真專集。杏美初出道嘅時候就已經被日本賽車大賽SUPER GT大會收歸為專屬車模，曝光率大增之外，杏美仲被藝能界睇中，發掘佢協力演出唔少綜藝及娛樂節目，例如主打介紹夜晚消閒娛樂好去處嘅《T.T.BOWL先生》以及《那個星期五夜場？》等。另外，杏美同時亦係好多攝影會嘅常駐模特兒。杏美雖然有咁多演出機會，但係佢並冇忘記自己嘅車模身份。每次演出完畢，都會喺博客撰寫賽後報告，報道一下賽車比賽嘅結果，仲評論各個車手以及汽車嘅表現，證明佢對賽車相當有認識，絕對唔係得個樣。
簡介：河瀨杏美每次出席賽車活動以及攝影會都會留影做紀念，其性感照仲會上載到博客，大家想欣賞杏美嘅美貌與靚偈就不妨多啲Click上去睇。
網址：http://ameblo.jp/ami-kawase/
年齡：24歲
身高：5呎7吋
三圍：34E-23-35
撰文：賢