諗起以前返學嘅日子真係有苦有樂，樂在成班同學仔個個都玩得投契，苦在修讀嘅化學、生物、物理又深又多嘢要背。家陣嘅學生則幸福好多，因為有好多專門學校可以揀，好似烹飪、美容、藝術等，相信佐藤唯呢位美少女亦幸福到極，因為佢入讀嘅正係美容學院，未來仲諗住開間美容院做老闆娘添！
好多男人都以為女仔細細粒容易食，憑住自己雄壯嘅身軀以及男子氣概令對方甘心被征服。事實上，唔少細細粒嘅女仔都係小妖精，好識得用嗲功同發姣神功令任何男人都甘願受其奴役，成為其奴隸，佐藤唯睇個樣十居其九都係呢種女子喇。唯妹今年雖然已經二十有七，但係樣子依然嬌俏可人，面上仲帶住濃濃嘅稚氣以及宅男最鍾意嘅萌系氣息。唯妹驟眼望落去有幾分天真無邪，但係笑起上嚟卻又有幾分邪氣同姣味，不難想像阿妹佢有企圖兼且有技巧地，將男人玩弄於股掌之中。身材方面，唯妹屬於小巧型，腰肢纖幼，上圍則有C-Cup，肌膚呈現出健康色彩，一望就知平時勤力做戶外運動，成個人充滿活力，仲要係冇時停嗰隻。
佐藤唯出生於日本山形縣，高中畢業後就入讀仙台美容術專門學校，而同年阿妹讀書嘅時候憑住參加太陽音樂新人比賽，令人眼前一亮嘅唱功而奪得最優秀新人獎。老實講，阿妹個樣生得咁似日本知名唱作女歌手Yui，唔怪得唱功都有番咁上下。奪得獎項之後，唯妹就開始踏足藝能界，參演過唔少電視台嘅綜藝節目，並且拍攝水着寫真。然而，忙於演藝事業嘅唯妹卻又唔會好似一般女新人咁，一心掛住幕前演出而荒廢學業喎！呢段時間，唯妹考到好多專業資格，包括二級和服審定、二級食物審定、三級美甲技術審定、芳香療法顧問等等，咁有上進心嘅女仔真係好難得。修讀完咁多專業課程同畢業之後，唯妹至專心演出，由於佢口齒伶俐，所以被發掘去做演員，亦做過主持同娛樂記者。不過，阿妹卻志不在此，因為佢表示搵夠錢就會自己開間美容院搵真銀喎。
簡介：佐藤唯成日都會四圍去旅遊，每去到一個地方就會自拍留影，想知道阿妹佢最近又去邊度欣賞湖光山色，可以Click上佢個博客睇吓。
網址：http://ameblo.jp/yui-sato/
年齡：27歲
身高：5呎1吋
三圍：33-22-32
撰文：賢