自稱「一夜情藝術家」嘅美國作家Roosh V，其行為一直備受爭議。事關佢不但周遊列國溝女兼上床，仲將經歷結集成書，教授溝女上床秘技之餘，更教大家點樣氹唔同國家嘅女上床，及品評當地女性嘅床技，因為其行為出位，坊間對佢嘅罵聲不絕。雖然唔少人唔鍾意佢，但捧佢場嘅人亦唔少，而我行我素嘅Roosh V最近更利用全球地圖顯示出邊個地方嘅女性最易氹上床。佢以唔同嘅顏色嚟標示出難易度，最易嘅用深綠色，最難嘅則用紅色，呢張溝女地圖甫貼出幾日就已吸引超過50萬人引用，當然群情洶湧嘅罵聲同樣鋪天蓋地咁嚟啦！
撰文：魂
據挪威某大雜誌報道，由於當地嘅離婚數字不斷上升，政府嘅相關部門正密謀對策，阻止數字繼續上升。未講對策前，先講吓離婚數字有幾嚴重，據報道指數字高達40%，即係每五對夫妻，就有兩對離異。有見及此，當地負責社會福利部門嘅首長接受訪問時，提出夫妻每周都要有一晚私人時間，放下工作和家庭出去拍吓拖，談吓心，藉此增加夫妻間嘅感情。有網友話政府介入，除非呢日定為法定假期，否則返工大過天，都幾難有人參與，另外太太們最掛心小朋友，除非政府派保母上門照顧小孩，否則出街都唔放心！睇嚟呢個計劃，構思係好，但實行上就好難啦！
撰文：小德
最近泰國芭堤雅舉行咗第二屆「人妖水上排球賽」，據講有二百幾人報名，有人問邊度搵嚟咁多人參加，據講全部都係當地夜店嘅工作人員。講番比賽，今次活動獲得網民一致好評，記得去年第一屆時，啲參賽者搞笑多過打波，而且周不時「飛Bra走奶」，搞到現場春色無邊，畀人好柴娃娃嘅感覺，但今年完全唔同晒，由於同慈善機構合作，所以佢哋個個都好認真咁打波，無論救波定殺球都有板有眼，刺激緊張之餘，仲見到佢哋嘅努力同付出，獲網友一致好評，所以凡事只要盡心去做，總係會有人欣賞嘅。
撰文：小德
巴西一年一度嘅「美臀小姐」選舉，進行得如火如荼，花落誰家仲係未知之數，而當地媒體最近竟爆出驚人內幕，話有兩位參賽佳麗竟出重金收買評判團，而其中一位願付18萬港元賄款，希望贏得賽事亞軍。有網友奇怪既然賄賂評判，點解唔索性攞個冠軍嚟做，只當老二呢？原來另一位涉案佳麗，早已經花更多嘅錢，誓取冠軍頭銜，所以佢只能當第二名。事件曝光後，兩位佳麗冇表態，繼續參與大賽嘅相關活動。有記者問其他佳麗點睇？有佳麗就指自己冇錢真係冇得好講，但不服氣就係兩個佳麗嘅臀部都係假嘅，憑乜嘢攞獎！原來囡囡身上又圓又挺嘅臀部，被人懷疑係後天僭建，呢口氣真係點都忍唔到呀！
撰文：小德