從前很樂於推旗下囡囡出來拍照的指壓場，今天已所餘無幾，以前專責去採訪這些場的攝影師這兩年都常常說，「啲場來來去去都係嗰十間八間，最慘係女仔，肯上鏡又點？打格仔都算，新面孔愈來愈少嗰度弊，呢個星期影呢兩個，下星期再上去，Keeper又係推番呢兩個出來畀我影，問佢可唔可以影第二啲？答案永遠係新女係得兩個，不過事實係已經新咗兩個月。」馬檻、指壓式微是眼見的事實，不過一雞死一雞鳴，現在太子區、深水埗一帶的上樓足浴店多的是，於是我們也計劃試試去踩線，但總是不得要領……
「老實，一來佢哋唔多肯影，好多都話唔需要做宣傳，生意已經唔錯，太高調分分鐘仲麻煩；二來，好，就算佢哋肯影，畀你打格都唔知點出街，個身形走晒樣，由手臂、條腰、大髀，都唔知你點執好。」同事說，這些足浴場，囡囡普遍年紀都不小，人客上門，場中燈光模模糊糊加一把性感聲音，還可以蒙混過去，真正打燈來影，十個囡囡，六七個都好難拍，「咁誇張？」「呢啲場主要賣揼骨、賣手作仔，啲女仔身材要求無咁高啩！」
撰文：黄韋龍