近日歐洲有航空公司，搵旗下靚爆鏡嘅空姐拍咗一輯2014年寫真月曆，並將出售所得利潤，捐贈給青少年癌症患者機構，但竟遭網友口誅筆伐，究竟點解呢？
歐洲瑞安航空（Ryanair）近年發展迅速，而最出位嘅可能係佢哋有個能言善辯嘅總裁，呢位總裁除咗經營有道，佢最喜歡喺傳媒面前爆料，特別係批評競爭對手，所以對方一有問題，傳媒一定會追訪呢位總裁，所以佢嘅知名度，喺歐洲都算數一數二。
近年網上即時通訊軟件日新月異，總裁不時都會在網上發布資料，希望畀更多人認識公司嘅發展同方向，但以佢咁叻嘅口才，難免會同網友發生爭拗，部分網友可能擇善固執，以後無論你做乜都不會認同，好似慈善月曆就慘遭劣評。為咗籌得更多善款，總裁竟自動放棄出席宣傳活動，並喺網上公開道歉，話自己過往有啲言論太武斷，並希望賣出一萬個月曆，將利潤全數捐出，為公司提升形象。
撰文：小德