愛因斯坦講過，想像力比任何知識都重要，呢方面小弟我就絕對冇問題，事關我嘅想像力真係好高，每次見到靚女就自自然然會湧起無窮幻想。好無聊咩？幻想好有用o刺！好似水着妹大貫彩香咁，就係靠幻想演活角色喇。
日本AV界好識得見風駛舵，一見到有女藝人人氣勁升，好快就搵來一個同該女藝人生得極為相似嘅AV女優，以其翻版拍片作招徠，以前熊田曜子、篠崎愛、篠田麻里子等水着妹都中過招，但係風水輪流轉，而家輪到水着界叨AV界光，近年就有個水着妹被指係人氣AV女優小倉奈奈嘅翻版，佢就係大貫彩香喇。彩香年方二十一，青春無敵，可愛又活潑，正係因為佢五官標致加上咁可愛，有人就話佢同被稱為蒼井空二世嘅小倉奈奈相似度達九成，咁我哋可以叫佢做空姐三世都得喎。之但係，講到身材，彩香就差過兩代空姐少少，因為佢上圍只得D-Cup而非G奶，然而彩香勝在夠苗條，加上鮮嫩白滑嘅肌膚，講嫩口程度又勝上一籌，彩香你唔使自愧不如。
彩香咁具質素，如果肯下海拍AV一定有運行，仲可以同小倉奈奈合作一部姊妹作添。不過，彩香應該都未肯瞓身一博，大家想睇佢剝光豬都係等多陣，仲要望佢人氣下滑到谷底。可惜，阿妹跌到事業低谷呢個機會可能微乎其微，因為佢喺2011年挾住上東京工藝大學藝術系女學生嘅名義出道以來，一直都深受歡迎，好多人都話迷倒於其青春又妖媚嘅形象之下喎。然而，喺上年年初，彩香轉投第二間事務所，令佢一度因為處理新舊東家嘅合約而被迫停工，今年初至開始再次活躍起來，而受歡迎程度亦依然不減。彩香之所以能夠將人氣迅速提升，原因可能同佢演出寫真DVD夠投入有關係。據講，彩香今年三月復出後推出嘅寫真DVD《OVER》銷售極佳，當中最精彩就係有好多Cosplay演出。阿妹就表示為咗配合各種Cosplay扮相而用盡幻想能力，例如扮女警佢就幻想自己真係有賊要捉，着上婚紗就幻想自己嫁得如意郎君，亦因為咁令佢演活角色嘅神髓，幫助彩香受到舞台劇組賞識，家陣阿妹有好多工作都係演舞台劇o架。
大貫彩香現時忙於演出舞台劇，而佢一得閒就會同台前幕後嘅同事合照，想知彩香群埋乜嘢人，可以Click上佢個博客睇睇。
網址：http://ameblo.jp/ohnuki-sayaka/
撰文：賢