每個人細個時都會有夢想，有人夢想長大後成為飛機師，有人會夢想成為醫生，而自稱鄉下妹嘅人氣脫模Leka C，佢嘅夢想卻相當特別，係希望成為成人雜誌模特兒，係咪認真另類呢？
嚟自俄羅斯嘅25歲脫模Leka C，喺2011年3月正式出道，至今雖然只有兩年多嘅時間，而所推出嘅寫真集亦唔算多，屈指一算只有15輯而已，但佢嘅人氣已經相當厲害，除咗先後幫Met-art、Eroticabeauty、Skokoff Daypics等著名成人寫真網站，拍攝火辣寫真外，更經常出席各地嘅的士高騷、車展、內衣展等活動，不但工作接踵而至，網上人氣亦超高。究其原因，Leka C擁有平易近人嘅性格，猶如鄰家女孩嘅氣質，因而深得男士歡心。事實上，佢出晒名唔鍾意化妝，每次影寫真最多施以淡妝，理由係咁至能夠體現出佢獨特嘅味道。
有人話Leka C對化妝嘅堅持，係同佢鄉村出生嘅背景有關，更戲稱佢係鄉下妹。嚟自聖彼得堡北方一個偏遠小鎮嘅佢對此不以為然，更樂於接受呢個稱號，事關佢覺得呢個身份能鞭策自己要不斷努力。Leka C又透露其實喺佢細個嘅時候，已經夢想成為Playboy模特兒。據佢表示，細個嘅時候覺得呢啲模特兒又靚又性感，於是便萌生呢個念頭。雖然佢成年後曾試過多次向相關媒體自薦，但始終得唔到回覆，後嚟佢被星探發掘，結果就咁投身咗脫模界，對佢嚟講亦算係夢想成真。問到Leka C適唔適應大城市生活時，佢坦言如果日後唔做脫模，唔會回到鄉下生活，反而會選擇去赤道嘅熱帶地方定居，因為佢已經怕咗寒冷嘅天氣。
雖然Leka C出道以嚟所推出嘅作品唔算多，但質素卻相當有保證，性感養眼唔在講，內衣造型更係吸睛。此外，喺寫真集中亦不乏外地取景嘅作品，難怪佢話好享受出國影寫真嘅工作啦！
網址：www.indexxx.com/models/42072/leka-c/
出生日期：1988年8月9日
身高：5呎10吋
三圍：36、22、33
撰文：魂