好多藝人雖然曝光率高，但係唔見得有觀眾緣，甚至有唔少觀眾對其生厭，當中嘅原因可能係被傳靠關係上位，又或者係個樣並不討好，演出又過分造作。日本女優喜屋武千秋就曾經被指演出太做作而被人厭惡，幸好近年就係靠扮嘢而轉運，贏得觀眾支持。
二十到尾可能係好多女人青春綻放嘅最後階段，但係卻又有好多日本妹話畀我哋知，臨近三十，甚至年過三十依然可愛到冧死男人，叱咤一時，家陣成為一女之母嘅星野亞希為一例，現時坐在日本水着界頂峰嘅杉原杏璃亦係好例子，此外仲有喜屋武千秋。2004年已經踏足日本藝能界嘅千秋，今年二十有九，但係好多女仔對佢又羨慕又妒忌，因為雖然就快30歲，樣子卻保持嬌俏可愛，萌味濃郁到好似十八廿二嘅美少女一樣，笑起上嚟活潑迷人，嘴仔半合嘅時候更加意態撩人。令人驚嘆嘅除咗阿妹呢副萌樣，仲有其身材。千秋腿長腰幼，皮膚鮮嫩白滑，仲擁有一對出於天然嘅飽滿G奶，吸引力實在驚人！不過，點解阿妹出道初期卻又被列為不受歡迎藝人呢？
2004年，千秋參加Miss雜誌嘅選美活動，而受到藝人事務所賞識，將佢收為旗下藝人。出道之初，千秋演出寫真作品嘅時候，專門大賣自己嘅萌樣以及天然G奶。此外，阿妹亦演出過唔少電視作品，例如《探偵學園Q》等。同時，亦曾經係女子組合「中野腐女子」嘅成員兼領導者。不過，可能因為阿妹嘅演出太誇張做作，所以令觀眾漸漸遠離。一次接受網絡節目《The 網絡明星》嘅訪問時，主持人更加指出阿妹唔多受人歡迎添。為咗改善人氣，千秋拿拿聲睇受歡迎刊物以及書籍，希望可以從中搵到受歡迎嘅元素，終於畀佢發現近年Cosplay大熱，於是成日扮演各式各樣嘅動漫角色。由於阿妹夠萌又好身材，加上本身又確係一名資深動漫迷，扮起上嚟入木三分，最後成功令佢嘅人氣谷底反彈，挽救其演藝事業。
喜屋武千秋演出絕不吝惜身材，其個人博客亦然，所以大家可以見到佢成日將自己嘅性感相片上載到博客，Click入去一定大飽眼福。
網址：http://ameblo.jp/kyan-chi
年齡：29歲
三圍：35G-23-34
身高：5呎3吋
撰文：賢