有人話要釐定女人靚與醜，單憑外在條件就足夠，只係呢種講法有啲偏頗，若然女人空有標致嘅外表卻無自信嘅話，叫魅力點樣發放呢？對於呢個講法，人氣裸模Mila I便深有體會，佢認為若然冇自信嘅話，今時今日可能仲留喺家鄉賣電器。
即將22歲嘅烏克蘭美女Mila I，原來早喺2009年出道前，已經以Mila Zerra之名喺烏克蘭從事兼職裸模工作。佢表示，當年嘅工作主要作為攝影同人體寫真模特兒，而當時並冇諗過放棄佢電器售貨員嘅正職，皆因覺得裸模工作唔可以維持生計。不過，由於Mila I嘅外形相當出眾，故此佢嘅工作唔單止長接長有，更喺當地裸模界薄有名氣，其後更被美國著名裸體寫真網Met-Art邀請拍攝寫真。Mila I眼見機會難得，又有可以喺美國發展嘅機會，於是答應拍攝工作，從此走上全職裸模舞台。阿妹為咗可以喺美國打響名堂，喺2010年時膽粗粗參加「Miss Radio 2010」選美會。Mila I指當時佢有好大把握能夠奪冠，點知喺準決賽時被篩出局。
對一般人嚟講，呢個打擊可謂相當大，Mila I卻不以為然，因為佢堅信自己嘅魅力，一定可以喺裸模界闖出名堂。為咗得到大家嘅欣賞，不但不斷接下裸模嘅工作，更不斷進修自我增值，除咗去學攝影、跳舞同DJ工作外，更致力於烏克蘭女性權益運動，實行做個既有外在美，又有社會責任感嘅索女。皇天不負有心人，Mila I嘅努力並冇白費，佢唔單止成為烏克蘭女性運動嘅活躍及知名分子，而佢喺裸模嘅工作亦備受讚賞，更憑住極高嘅知名度，走上天橋表演花生騷之餘，亦參加各種電玩展、汽車展、賽車活動等，最近佢又走上電視屏幕，客串電視節目主持。Mila I坦言如果當年如果唔係對自己嘅魅力有自信嘅話，喺選美失敗後可能會返烏克蘭賣電器，邊度有機會認識咁大嘅世界。
Mila I人氣爆燈自然得人鍾意，而佢就有班熱心粉絲為佢開設咗個粉絲面書，除咗會不定期上載Mila I最新火辣寫真外，更會透露佢最新嘅動向。如果想知道班粉絲點解咁Like佢嘅話，就一定要去睇睇喇！
網址：facebook.com/pages/Mila-I/136169973095855
出生日期：1991年7月27日
身高：5呎7吋
三圍：35C、23、35
撰文：魂