渡海濠情：熟男夠細心 囡囡至冧

成熟體貼

喺普遍人嘅眼中，一對登對嘅璧人唔單止係郎才女貌，仲要年紀唔可以差得太多，最多差嗰五、六年就夠，多咗嘅話就驚有代溝。不過呢個調查卻發現，原來女性心智早比男士成熟，睇嚟呢個觀念要改吓。娜娜聞言點頭話：「我都覺得女性最好搵啲成熟男士做男友，甚至視佢哋為結婚對象。事關唔少後生男士嘅思想都仲係好細路，最麻煩嘅係佢哋覺得細路思維係好合情合理，結果喺心智比佢哋成熟嘅女士眼中，就變咗係種好難接受嘅反應，因此我覺得都係成熟嘅男士穩靠啲。」不過娜娜都好後生，搵個咁成熟嘅男士會唔會驚溝通唔到呢？娜娜坦言：「成熟男士體貼嘅一面，已經足夠我心動。」

溫柔迷人

經常聽女人話成熟嘅男士好體貼，究竟係咪真嘅呢？娜娜即猛然點頭話係：「佢哋真係好體貼o架！好似一入房就會問你覺唔覺得凍，然後幫你調校適合嘅溫度；食牛扒、燒雞等呢啲會食得好論盡嘅嘢時，佢哋又會先幫你切好晒，不知幾咁有紳士風度。單係呢種態度，已經夠晒迷人，使乜驚話同佢哋有代溝呢？」睇嚟娜娜應該會搵啲大年紀嘅男士做男友。點知娜娜竟然擰頭話唔一定：「有時一啲後生嘅男士其實都相當有風度，如果遇到佢哋嘅話，相信我都會不禁春心大動，到時我會主動投懷送抱都話唔埋o架！」

娜娜Profile　　

身高：5呎3吋

三圍：33、23、33

撰文：魂

攝影：昌