以前講起動漫Cosplay，唔少人視佢為興趣多過工作，只係隨住動漫文化嘅流行，令Cosplay長興不衰之餘，更令佢變成新興嘅行業。不過多人競爭，想出人頭地相對更加難，日本早排就有網站搞咗個Cosplayer女郎選舉，結果性感火辣女郎Kibashi以霸主姿態登頂！
有人以為呢位身高約175厘米嘅索爆Cosplayer，之所以可以喺芸芸日本索女間跑出，係因為佢擁有標致嘅五官、迷人嘅雙子峰同埋修長嘅美腿，想唔名成利就都好難。如果咁諗就大錯特錯，事關Cosplayer有別於一般嘅o靚模，唔係要有樣有波哋同埋肯露，最重要係要扮得夠神似。唔講唔知，Kibashi為咗扮好動漫中嘅角色，除咗好似其他Cosplayer一樣，會親手縫製動漫人物嘅服裝外，更會學足佢哋嘅神態、語氣、舉止等等。據Kibashi表示，想扮得夠神似嘅話最重要係做足資料搜集，不但要知道動漫角色服裝嘅每一個細節，仲要知道角色嚟自邊度、有冇口音及個性。難怪有粉絲話配合埋Kibashi嘅激凸身材，真係扮乜似乜。
雖然Kibashi扮過唔少動漫角色，但講到佢最鍾意嘅卻要數日本人氣動漫《一騎當千》嘅關羽雲長。Kibashi解釋因為佢擁有高挑嘅身材，尤其係一對修長嘅美腿，加上誘人嘅雙子峰，可以話係為佢度身訂造一樣，因此要數佢最愛嘅動漫角色，相信非呢位武神莫屬！當然，Kibashi扮起其他動漫角色亦都相當有睇頭，而憑住喺Cosplay界愈嚟愈高嘅人氣，開始收到工作嘅聘約，除咗收錢出席各大動漫節外，更推出性感度極高嘅個人Cosplay寫真影碟，以及舉辦龍友攝影會。講到未來嘅發展，Kibashi同其他美少女一樣，希望能夠進軍藝能界。以其超高人氣，相信唔少人都相當期待。
作為《一騎當千》嘅忠實粉絲，Kibashi今次唔再以關羽雲長造型亮相，而改以另一位人氣角色呂布奉先造型登場。影碟中除咗有Kibashi極為性感嘅造型外，更有大幅度擘髀、大量低炒露底等誘人場面，果真係火辣度十足！
碟名：《天上天下唯我獨尊完全無欠呂布奉先》
售價：約HK$160
網址：finaldearest.cart.fc2.com/ca1/14/p-r-s/
想知道Kibashi嘅最新動向，當然要去佢嘅個人微博。Kibashi喺度經常分享每日嘅瑣事之餘，更上載自拍寫真益粉絲，當中有唔少露乳溝私照，難怪佢個微博人氣咁高。
網址：twitter.com/kibashiba
出生日期：12月19日
身高：約175cm
撰文：魂