邊個話情慾小說唔可以有諷刺社會嘅元素？美籍烏克蘭裔小說家Chuck Palahniuk，便將呢兩種元素糅合成個人風格，並創作出情慾小說《Snuff》。呢位曾經創作《Fight Club》、《Survivor》等人氣小說嘅作家，寫情慾小說亦有一手。《Snuff》故事講述色情女星Cassie Wight，打算透過喺鏡頭前同六百位男士曳曳，從而打破世界紀錄之餘，更可以達到名利雙收嘅目的。Cassie以第一身嘅角度，講述佢喺呢六百位男士中，同三位分別係第72、137同600號男士淫亂嘅關係，以及其私人助理嘅荒淫史，透過脫星渴望愛、名及利等等內心嘅矛盾，從而剖析出喺現今拜金主義社會下，想揚名立萬及道德間取捨嘅心態。