火辣萬人迷 《挑逗性高潮》

蒙妮卡表現出色

電影講述弗朗索瓦係一個平凡嘅中年小職員，某日上天終於對佢加以眷顧，中咗一張特大彩票。男人有錢就梗係身痕啦，加上佢又冇女朋友，於是就去酒吧睇吓有冇美女勾搭，果然畀佢遇上蒙妮卡貝露慈飾演嘅高級應召女郎達妮埃拉。由於達妮胴體豐滿又魅力攝人，令弗朗神魂顛倒，仲願意出到十萬歐元包佢一個月，直至冇晒錢為止。二人後來一齊去旅行，去沙灘享受陽光，中途又玩車震，不知幾咁風流快活。之後，達妮突然病倒，弗朗嘅醫生朋友安德烈則上門為佢診治，最後又畀佢嘅美麗征服。一段日子之後，達妮離開咗弗朗，經一番苦尋又在初遇嘅酒吧中重遇，弗朗始知道達妮埃拉早就已經係一名富豪沙利包養嘅女人，同弗朗一齊只不過係玩票性質。最後，達妮埃拉因為記掛弗朗嘅溫柔，重投其懷抱。《挑》片當中嘅男角都係老戲骨，表現出迷倒蒙妮卡石榴裙下嘅演技固然入木三分，令各位男觀眾睇得投入，不過焦點往往都被蒙妮卡搶走，事關阿妹迷人又高雅嘅氣質，加上豐滿婀娜嘅身材，舉手投足都散發攝人魔力嘅演出實在太吸引，睇過嘅朋友都會好似戲中嘅男角一樣被佢迷倒。