原來鹹網比所謂良心企業更有良心！話說一位自願「出賣」俏臉畀鹹網紋身落廣告嘅美國白人Billy Gibby，最初係為咗賺錢養家而「賣肉」，殊不知紋身後受盡白眼、失業、心理受損，連老婆都話佢樣衰，以致家嘈屋閉。Billy嘅新聞出街後，有份落廣告嘅鹹網Cam4主動畀錢Billy哥做褪掉紋身手術，該網站嘅負責人表示，既然雙方合約已經完咗，幫佢執番手尾好應該啫！據Vice新聞網站報道，家陣Billy哥已「剷走」左邊面嘅紋身，好快就會做埋右邊面。呢單News出街後，本來大家都好同情Billy，但佢竟然見過鬼仲唔怕黑，受訪時話如果有鹹網畀錢，佢可以繼續効勞，但位置竟然係「男人最痛」嘅生殖器上，你話佢係咪紋到傻咗呢？