以前睇AV係男人嘅專利，不過，今時唔同往日，家陣啲女仔愈嚟愈開放，樂意同男友一齊睇鹹碟，而喺日本，更加出現一位女AV達人，專門撰寫AV評論，真係唔嘢小呀！
日本AV界漸漸發展成一種工業，除咗產值增加，民眾對佢哋嘅接受程度亦日益提高，亦因為咁，吸引到好多女性入行，除咗做AV女優之外，亦擔任幕後工作，好似安藤波恩就係其中一名女AV導演。另外，近期相當活躍嘅Akemin，曾喺AV廠IdeaPocket任職宣傳部，家陣成為一位專業AV評論家，同時亦係舉辦宣傳AV活動嘅搞手，堪稱女AV達人！
今年34歲嘅Akemin，從事AV相關工作已多年，對業界相當有認識，加上佢所撰寫嘅評論精闢獨到又有見地，令佢喺業界地位相當高。就係咁，Akemin可以將班女優點來點去，例如叫佢哋開攝影會嘅時候又唱又跳，兼表演各種猥褻動作等等。另外，Akemin成日都會搵女優進行詳盡訪問，並將內容上載到博客，大家想知道到最新最快嘅AV情報，快啲Click上佢個Blog(目及)吓啦！
網址：http://blog.livedoor.jp/akemin_1024/
撰文：賢