渡海濠情：橫財點用好 各有心頭好

買嘢實際

小甜： 澳門年年有錢派，感覺真係幾好。據講佢哋7月起，澳門永久性居民可以拎到八千銀，而非永久性居民則可以拎到四千八，無情情有幾千蚊用，縱使呢啲橫財同我無緣，卻聽到都覺得開心。

BoBo： 你份人不嬲鍾意戥人哋開心，只係你有冇諗過，如果你突然有八千銀嘅話，你會用嚟做乜呢？計我話以你性格嚟睇，一定會買啲保值嘢。

小甜： 哈哈！你真係深知我心。我留意到呢期金價平，如果我有八千蚊嘅話，一定會用嚟買黃金，夠保值嘛！如果唔係，會用嚟買手錶、化妝品同衫褲等，因為我覺得買呢啲嘢既有實用價值又可以裝扮得靚啲，行出嚟都零舍迷人。

BoBo： 我都話你一定會用嚟買嘢啦！不過我都以為你會用嚟買黃金，卻估唔到你捨得用嚟買衫，事關你本嚟就已經有好多名牌嘢，更何況你平時出街着嘅衫咁少布，八千蚊真係夠你買好多。

唔玩就笨

小甜： 你話我出街着得少布，你又唔係咁！我記得上年你每次出街，啲男人一定(目及)你(目及)到眼甘甘，皆因你啲衫唔係露乳溝，就係條裙相當短，引到啲男人流晒口水。

BoBo： 我着得咁性感目的只係方便落的士高，或者同人哋去玩啫！不過話說回來，如果我有八千銀嘅話，一定會用嚟玩晒佢。因為我覺得如果唔趁後生去玩餐飽嘅話，年紀大咗就冇咁嘅精力。

小甜： 嘻嘻，我知你最鍾意玩乜，床上運動嘛！老實講床上運動用嘅錢有限，買膠笠都可以買成幾箱，夠你玩足幾年。

BoBo： 你咁講就唔啱喇！我覺得曳曳都要睇環境，畀着我嘅話，我一定會搵個鍾意嘅異性去旅行，然後挑選一間高級餐廳食個浪漫嘅晚餐，跟住再邊飲香檳，邊同佢嚟個溫馨無比嘅前奏，呢種床戰一定令我一世難忘，總好過你晚晚攬住啲靚衫嚟自我滿足，哈哈！

小甜Profile

身高：5呎2吋

三圍：34、24、34

BoBo Profile

身高：5呎3吋

三圍：33、22、33

撰文：魂

攝影：程