所謂「花無百日紅」，一個藝人幾紅都好，總會有人氣下滑嘅一日，有啲女藝人會剝衫拍露點寫真谷人氣，甚至拍脫戲盡地一煲，好似曾經係超人氣日本女星嘅後藤理沙，最近有傳佢拍AV博翻身喇！
大家記唔記得1998年有個「寶」字頭能量飲品廣告，當中嘅女仔青春又清純，充滿陽光氣息，佢就係當時只得14歲嘅後藤理沙喇！理沙憑住呢個廣告一炮而紅，被稱為「純潔派美少女」，之後獲得好多電視劇同電影嘅演出機會，其地位僅次於屬同一間事務所嘅廣末涼子同小雪，氣勢一時無兩。不過，幾年之後理沙嘅人氣漸漸下滑，於是喺2002年宣告引退，直至2004年復出。可惜，理沙嘅樣貌同身材已走晒樣，成個師奶咁款，實在令人倒胃。
理沙經過一輪大執之後，終於變番一個索女，更拍咗兩本全裸寫真晒弗爆身材，然而卻未能令人氣上升。最近，日本有傳媒指出，理沙已經投入AV拍攝工作，而頭炮作品會喺6月出街添！雖然消息未經證實，但已經引起廣泛討論。其實，知名女藝人拍AV搵真銀嘅消息近年都不絕於耳，早前有傳酒井法子拍三仔，近期就有前早安少女組成員後藤真希，而後者亦親口承認拍AV，但係只拍軟性作品，即係冇同男優交歡。據聞後藤真希拍2部AV嘅片酬高達8,000萬日圓，約為600幾萬港元，相當和味，相信比佢出道更早嘅後藤理沙應該唔止呢個價，所以理沙下海拍AV嘅消息好有可能係堅嘅！
撰文：賢