女仔活潑好動好似俏黃蓉咁，固然得男人歡心，但係柔情似水如華箏亦令男人時刻掛在心，畀着我都好難二中選一，不過如果柔情嘅一方仲好似瀨戶早妃咁具魅力，咁就梗係揀後者啦！
日本水着界近年湧現好多童顏巨乳極品，好似篠崎愛、愛衣、鈴木富美奈等等，佢哋又好波又可愛，演出仲相當精彩，配合身穿嘅性感三點式，綻放出燦爛陽光氣息。不過，係咪每個水着妹都要青春活潑至吸引呢？未必，因為溫柔婉約，柔情似水一樣係男人嘅追求目標，好似瀨戶早妃咁。27歲嘅瀨戶早妃活躍於水着界已經有十二年，算係當今水着界嘅姐級人物。早妃經歷多年拚搏，臉上雖然已經冇以前咁嬌俏，但係多咗濃厚嘅女人味，而清秀嘅面孔更透出無限柔情，一睇就知佢係一個好女友、好老婆。身材方面，早妃偏向瘦削，但係肌膚雪白幼滑，手感定然一流。
早妃出道以來人氣持續高企，參演唔少電視劇同電影演出，當中包括2005年上映嘅香港電影《韓城攻略》，乃係少有可以參演海外電影嘅日本水着妹之一，而上年亦有演出由漫畫改編而成嘅日本電影《奈奈與薰》。雖然早妃一直努力演出，但係命運卻對佢百般玩弄。2006年，早妃演出舞台劇《Kiss Me You》整傷左膝十字韌帶，搞到要入院做大手術。同年年尾，早妃總算康復，參與日本雜誌Miss嘅選美活動，支持度由頭帶到尾，但係最後輸畀岩佐真悠子。2007年，佢先後被傳媒發現與製作人折口雅博以及名歌手西川貴教拍拖，唔知係咪咁畀事務所雪藏，足足停止藝能界活動大半年。幸好，早妃最後可以轉投另一間事務所，先可以為大家展現非凡魅力至今時今日。
瀨戶早妃經常喺博客透露最近嘅生活情況，想緊貼阿妹嘅生活動態，大可以Click上佢個博客睇睇。
網址：http://ameblo.jp/seto-saki/entry-10882858631.html
年齡：27歲
身高：5呎4吋
三圍：33-22-34
撰文：賢