俗語都有話：「講錢傷感情！」呢句說話原來唔只用喺朋友身上，就連夫妻都係一樣。話說南韓有個民間組織同千幾對夫妻做咗個問卷調查，發現有4成人，唔會主動提家庭財務問題，原因係怕問得多會傷害夫妻間嘅感情。咁又係，老婆成日問老公有幾多收入？老公又問老婆今個月用咗幾多家用？聽到真係會火都嚟，九成九嗌交收場。如果夫妻間唔討論財務問題，鬧交機會少啲，感情都會好啲。不過調查同時指出，如果兩夫妻都唔鍾意理財嘅話，晚年退休生活好易欠缺保障，相反，趁後生就一齊討論或計劃財務，晚年就會有唔錯嘅退休生活，所以為長遠計，做夫妻嘅應該平心靜氣，一齊商量吓錢銀大計，無謂到老先擘大個口得個窿。
鍾意着迷你裙同熱褲嘅女士，以後唔使再驚會被人話愛靚唔愛命！事關早排英國有研究指，女人着得愈少就愈長命。呢個由英國人類學家Edwin Burkhart進行嘅研究，係針對5,000名婦女調查後所發現嘅結果。Edwin推論女人之所以着得少更長命，理由主要有3個：皮膚少吸收衣物上殘留嘅化學物，例如洗衣液、漂白劑等，減少患皮膚癌等嘅機會。着得少嘅女士性格較為開放同獨立，性格開朗啲人都健康啲。另外性感女士易吸引男士，性關係融洽，男女相處得好亦有助長壽。照咁睇嘅話，AV女優咪應該好長命？
四仔、情趣玩具、鹹Game等成人娛樂之所以咁受歡迎，皆因鹹濕係人嘅本能，只係情色題材有咁多，熟女、水着、絲襪、型男同大隻佬等，究竟大家最鍾意邊類題材呢？有成人網站根據世界各地情色搜索關鍵字進行統計分析，從而推算各地男女最愛嘅情色題材，發現原來四仔大國美國最常出現嘅關鍵字分別係年輕人、大學生同熟女，而日本就係日本人及同性戀。調查又發現，唔同地方都有個共通點，就係鍾意搵番自己所屬地方嘅色情內容，好似英國人會搜尋英國人、德國人會搜尋德國人。想知道嘅話，不訪登入PornMD嘅網站慢慢睇。
網址：www.pornmd.com/sex-search
經常聽班北上嘅「色」途老馬講，呢間夜總會有幾十個囡囡，嗰間又話有過百個，之但係，事實係咪真係咁多女同咁大，就只有佢哋至知。不過講到歐洲最大型嘅妓院，就不得不提位於德國科隆嘅Pascha。2005年開業，樓高12層，擁有120間房同多達120位囡囡，每日客流量多達1,000人，單係呢個數字就夠晒驚人！據講呢間妓院只有3成係嚟自德國嘅本土佳麗，其餘7成嚟自世界各地，質素仲相當高添！為咗谷爆人氣，老闆更曾經推出優惠，只要願意喺手臂紋上妓院名字，就可以獲免費招待，結果出乎意料，竟然有超過40位玩家報名。