對於拉脫維亞（Latvia）你知幾多？其實亦毋須要識，只要識當地嘅索女就夠喇！皆因全球最索、身材最爆嘅都喺晒嗰度，就好似今日呢件爆奶裸模Sabine Jemeljanova咁，唔使選美都贏晒班佳麗，你話識到件咁嘅女，以後仲邊使睇女！
網上指拉脫維亞係世上最愁「嫁唔去」嘅國家？皆因當地啲女實在太索，男人永遠揸唔定主意，有專家分析認為，拉國靠近波羅的海沿岸，水土氣候更適合女性胎兒存活，因此總係女多男少喎，真係信不信由你！但小弟淨係知道每年國際選美，拉脫維亞佳麗必定入圍，想話唔正都冇人信！
連網友都話拉脫維亞係男人天堂，啲女多到唔識揀。唔信！睇下90後Sabine Jemeljanova就知，話說阿妹當初到英國學英文，2010年參加英國Page 3 Girls選舉入行，初時只係抱住玩玩吓心態，點知因為外形太「凸出」，結果引起成人傳媒瘋狂搵佢影相做專訪，輪住出現喺Nuts及Loaded等男性雜誌封面，仲有其他潮流雜誌，風頭一時無兩！
外界對Sabine Jemeljanova嘅印象係外冷內熱，事關佢一身健康膚色，喺白妹中尤其突出，同時佢每次拍寫真都甚少笑容，配合完美無瑕嘅三圍、極具挑逗性嘅甫士，任何雄性動物都對佢想入非非。難怪阿妹唔只喺平面界搵到食，上年更殺入大銀幕，開拍《Strippers vs Werewolves》，仲有多場辣身舞表演。可惜大家都只留意佢嘅身材，甚少提及佢嘅演技。可能係咁，所以Sabine之後都未有接觸電影，反而喪攻平面內衣Modeling工作，有趣嘅係，佢自認最愛黑Bra黑底，事關可以配合佢Cool爆Image喎！
今年阿妹目標明確，表明會上收費電視主持足球節目，即係性感足球寶貝啦，仲會做裸模，肯定大把好嘢睇！有成人雜誌問佢點解唔去選美，相信會有更大成就，計我話問嚟都廢，若然Sabine妹贏咗，咁我哋今日仲邊有咁索嘅裸模欣賞呢？
簡介：Sabine未有正式專屬網站，但呢個算係佢目前最齊料個人網頁，將過去第一次寫真到今日大小活動都放晒入去，有字有相有片，唔睇走寶！
網址：http://sabinejemeljanova.blogspot.hk/
出生日期：1991年10月6日
三 圍：32F-22-35
身 高：5呎6吋
撰文：祖