今日足球場上演嘅呢場比賽好奇怪，全因比賽嘅一隊係男子隊，一隊係女子隊，雖然女子隊腳法都唔差，但係體質總係唔夠男子隊強壯，比賽嘅時候梗係有多少吃虧。比賽之前，一向審慎嘅隊長朗尼就一個人留喺更衣室諗吓用咩策略，以增加勝算，否則一個唔小心輸畀班女仔就瘀到震喇。呢個時候，女子隊嘅隊長蘭絲就入嚟，向朗尼話：「今日多多指教喎。」朗尼點點頭。蘭絲行到朗尼身邊又話：「喂！今日場比賽我好想贏呀！我頭先同班隊友打賭，話輸咗就要請佢哋食一個星期自助餐，你幫幫手踢場假波好唔好？」朗尼話：「唔想輸？好心你當初就唔好約我哋鬥波啦！」蘭絲就答：「當時我一時之氣嘛。嚟啦！幫幫手啦！最多我……」