一般嚟講，電影院嘅大銀幕最多只會上映三級片。呢類三級片雖然三點盡露，但係交歡場面通常只會借位拍攝，男女雙方嘅交接之處絕對唔可以顯露出嚟，就算係用格仔遮住一樣唔得。不過，約四十年前，大銀幕上曾經上映過無遮無掩嘅四仔，呢部就係經典名作《深喉》（Deep Throat）喇！
1972年，已故知名成人電影導演Gerard Damiano，為當時半紅不黑、帶有鄰家少女氣質嘅Linda Lovelace度身訂造一套色情片，片名就叫做《深喉》。故事講述Linda飾演嘅女角完全冇辦法從正常性愛當中尋找到性高潮，就算連續同多名男子交歡亦然，惟有求醫生協助。經醫生嘅診斷後，發現Linda嘅身體構造異於常人，陰核原來生長於喉嚨之內，所以要達到高潮只可以靠口交。及後醫生提議Linda做護士，用其口技撫慰有生理障礙嘅男病人，同時令其性生活更加美滿。由於電影當中嘅種種性愛場面完全冇用格仔遮住，所以《深喉》乃係切切實實嘅一套四仔，於大銀幕上映為當時嘅社會帶來極大震撼。
此外，《深喉》又打破傳統，以描述女性尋找性高潮，有別於一般鹹片以男人做主導嘅慣例，所以被認為是倡導女性性開放，意識相當先進破格。同一時間，Linda Lovelace憑此片一炮而紅，後來佢更表示自己身世坎坷，拍《深喉》嘅時候其實絕不甘願，更聲稱自己係畀當時嘅丈夫用槍指住逼佢拍攝，令作品更添傳奇色彩。
撰文：賢