有啲藝人出道冇耐就一鳴驚人，紅透半邊天；但有啲就要默默耕耘，捱三五年至可以闖出名堂。今日介紹一位與潘霜霜、張馨予同期出道嘅靚女，前者已成為阿姐級人馬，但佢近年至捱出頭正式上位，呢位靚女就係王若伊。
嚟自河南嘅王若伊，大學時喺中央戲劇學院讀書。話說2009年佢放學後喺北京閒逛期間，被位攝影師臨時拉伕，一口氣同佢拍咗兩輯相，出嚟嘅反應一流，若伊誤打誤撞下就入咗娛樂圈。由於若伊樣子秀麗，身材出眾，喺某大模特兒網站內，佢照片嘅點擊率一直高企，據講當年日本和台灣都有製作公司想簽佢去當地發展，但若伊左諗右諗之後，唔知係欠缺信心，定係唔捨得啲親友，所以最後毅然拒絕，疊埋心水留喺內地發展，同其他學院派女仔一樣，畢業後若伊一邊拍硬照，一邊等候機會拍電影，而喺2010年佢嘅第一套電影，就係有幸夥拍劉燁、陳沖同高圓圓嘅《愛出色》，雖然只係小角色，但自此令佢加倍信心。
之後若伊一連接拍多部電影，演技得以磨練嘅同時，亦得到好多前輩嘅教導，演出更漸漸得心應手，亦慢慢由小配角，晉升為女主角。至於綜藝節目，佢都出席唔少，各大電視頻度都見到佢嘅身影，而代言同出席活動，更係一浪接一浪，人氣亦因此積累下來。捱了四年，開始見到成績，唔認識佢嘅朋友，仲以為佢近年至啱啱出道，估唔到佢已經捱咗幾年，亦足以證明只要努力，一定可以闖出屬於自己嘅一片天。
簡介：專屬網站收藏咗不少若伊嘅精彩照片，當中噴血寫真亦甚多，美中不足係上位後刪除咗唔少早期作品。
網址：www.moko.cc/wangyibing/
出生地：河南
三圍：33-23-34
身高：165cm
撰文：龍四海