以往大家都係睇到啲四仔脫星有幾索、有幾架勢，咁你有冇諗過佢哋引退之後係點過活呢？原來3年前美國有位猛人拍咗部四仔紀錄片《After Porn Ends》，當時反應一般，但今日佢嘅網站大熱，你點可以唔睇！
呢部《After Porn Ends》丁點都唔會提起閣下性慾，事關片中嘅脫星都係一班皺紋超多嘅熟女，加埋抬不起「頭」、眼矇手震嘅伯父男優。但人家都講明，呢齣係一部紀綠片，講述脫星「高潮」過後，點樣度過「平淡」生活。雖然當時喺美國上畫時票房慘淡，但唔代表失敗，皆因佢觸動咗不少業界台前幕後，甚至開設名為After Porn Ends網站，向已引退或離世嘅業界人員致敬！今日小弟就介紹兩位曾紅極一時嘅引退脫星，讓大家回味一下啦！
Crissy Moran於2001年出道當Model，及後被Playboy睇中擔任內衣模特兒，並成為一個寫真網站代言人。Crissy唔想局限自己只做裸模，決定加入四仔界上床肉搏，努力到2006年，阿妹覺得自己喺四仔界已經玩夠，係時候引退享受人生！至於Crissy嘅近況，係早前佢去咗美國由一班前舞蹈員所組成，專為受性暴力女性提供援助組織工作。
據資料顯示，Mary Carey喺2002年投身脫星界，由於外形勁Fit加上演技精湛，好快就企穩四仔界，直到2004年做埋四仔導演，有名有利後，決定喺2008年結婚生仔，退出四仔界相夫教子！有傳佢依家喺洛杉磯開咗間情趣用品店，以個人之名推出性玩具，閒時又會替四仔公司度橋兼監製，可謂生活無憂，好過做女優！
年齡：37歲
三圍：34D-23-35
身高：5呎2吋
年齡：32歲
三圍：36DD-26-36
身高：5呎9吋
撰文：祖