現時好多行業都有青黃不接嘅問題，有部分年輕人認為係來自行業嘅老前輩，或老闆唔畀機會佢哋而引起。其實，問題大家都有責任，因為如果你本身冇足夠實力，畀機會你都冇用，如果好似丸高愛實咁有質素，畀機會佢演出咪可以成為明日之星囉！
如果各位朋友問身邊嘅兄弟，識得幾多位日本水着女優？答案可能係熊田曜子、根本春美、小池榮子、星野亞希等。老實講，佢哋唔係話唔索，但係已經成為歷史。兄弟不甘被話其認識嘅水着妹Out晒，通常會話：家陣水着界青黃不接嘛！班新人冇個掂又冇星味，點記得咁多呢？
錯錯錯！至少有個正人氣急升嘅嫩口女優，可以令大家印象深刻，佢就係丸高愛實喇！今年22歲嘅愛實於2009年出道，呢段日子話長唔長，話短唔短，但係阿妹到現時仲保持到當初亮相時嘅天真童顏，感覺可愛又青春，仲帶陽光氣息，不期然令男人雄風煥發。身材方面，愛實嘅胴體可以稱得上為超絕品，身高5呎6吋嘅佢，三圍有33D-23-34，曲線優美之餘，肌膚嘅健康淺啡色亦凸顯出活力十足，熱情奔放！
愛實妹表示過佢真係好鍾意運動，成日走到室外同陽光玩遊戲，故此膚色至咁健康。佢仲話由細開始就鍾意跳繩、呼拉圈、網球同跳舞，唔怪得身材Fit得咁緊要啦。愛實2009年參加日本周刊花花公子主辦嘅模特兒Top Of Gravure之時，就係憑呢副靚偈而順利奪得冠軍，從而踏足藝能界發展。愛實拍水着寫真嘅同時，由於人靚聲甜，所以被邀做網台節目主持，令萬千宅男神魂顛倒。此外，自小就發歌星夢嘅愛實，經事務所安排之下，同水着妹本山香苗以及葵馬莉嘉組成「3娘1」女子組合，四圍登台獻唱添。
年齡：22歲
三圍：33D-23-34
身高：5呎6吋
撰文：賢