各位巴打過馬交玩，當地最方便嘅交通工具，就係搭的士，但有樣嘢真係要同大家講，事關有啲老友佢哋上車後，一時諗唔起要去嘅地方名或者酒店名，就會講附近嘅夜場名出嚟。好似原本去回力球場，但一時唔記得，就會話去打令浴室；又或者原本係去英皇娛樂酒店，但又醒唔起，就會話去極品桑拿，本來係好平常嘅事，但如果你只係去夜場附近嘅地方，而唔係去夜場幫襯，就會令的士大哥空歡喜一場，仲會浪費咗佢哋嘅時間，事關的士大哥車啲客嚟夜場幫襯，可按人頭收番少少佣金，一個人頭大約十零廿蚊，而一般情況，的士會停喺夜場代客泊車嘅位置，然後向值班員工示意，客人順利入去幫襯，就會即時送上佣金。但客人如果只係去其他地方，的士司機得唔到佣金嘅同時，更會大失所望，所以各位巴打下次過馬交玩，要去邊度就記住，就算真係記唔到，都話明畀司機聽你要去夜場附近嘅地方，避免出現不必要嘅誤會。