有所謂男兒口大食四方，女兒口大食窮郎。其實女仔個嘴仔大少少亦無傷大雅，若然整體上有所配合，更不失為一個賣點，好似水着妹岸明日香咁，口大再加上胸大，就成為令人印象深刻嘅標誌。
香港唔少藝人半紅不黑，於是改名希望可以連星運都改埋，之不過好多都係事與願違，愈改就愈霉，最後都係死死氣地唔再發明星夢。然而，改名喺日本好多時都會帶來好運，以AV女優為例，安達亞美改名做蓮實Kurea後就即刻走紅，而水着妹岸明日香都係改咗名之後至為人熟悉。今年21歲嘅明日香，2010年出道做賽車女郎，當時以柚崎明日香嘅藝名發展。明日香個樣有少少似西田麻衣，美艷動人就唔講得，但係勝在夠親切，阿妹仲話自己嘅大嘴巴係魅力所在喎。除咗嘴大，明日香個胸都好大，足足有成35G咁勁，而且質地柔軟，表面白滑，滲透出無窮治愈效果，難怪被稱為新一代愈系巨乳代表。
雖然明日香呢對G-Cup上圍色澤、形態、體積俱吸引，但係做賽車女郎嘅時候都冇幾多人識。後來，阿妹同事務所解約，再改名為岸明日香至真正有運行。轉投新事務所嘅明日香好快就推出第一隻寫真DVD《戀由莉莉》，得以成功爭取人氣。阿妹更話身上有三點散發住獨特魅力，從而幫佢上位。呢三點就係上文提及過嘅大嘴巴，另外就係每當打側躺下時，胸前出現嘅橫向乳溝。最後一點，就係屁股上面嘅癦。據講，明日香相當為呢粒屁股癦自豪，一次DVD宣傳活動當中，阿妹更特別抬起屁股畀龍友影粒癦，個人相信龍友都係比較鍾意佢個屁股多啲。
岸明日香成日都會將性感自拍照放上博客，並將生活點滴公開，想了解明日香嘅生活習慣，不妨一看。
網址：
http://ameblo.jp/asuka-kishi/
年齡：21歲
身高：5呎3吋
三圍：35G-23-35
撰文：賢