脫星Mia Gold有「傻妹」之稱，事關佢超神經質，埋牙時情緒主導一切，時淫時怒、時前時後，總之就癲啦！所以外界對於Mia簽新經理人公司都非常關注，好想知道邊個「水魚」敢收留佢。而答案終於揭盅喇，原來Mia嘅新米飯班主仲癲，就係喺業界大名鼎鼎嘅Mark Speigler，咪以為呢位其貌不揚嘅禿頭阿叔冇料到，佢喺四仔界仲堅過「男神」Ron Jeremy。年過半百嘅Mark哥係男優出身，有傳佢男女都啱，引退後轉型做經理人，現時旗下最起朵嘅脫星有辣妹Kristina Rose及癡女Kimberly Kane等。有冇發現佢哋嘅共通點都係唔算索，但喺四仔界地位獨當一面，例牌擔正做女主角，金牌經理人果然當之無愧！
烈女脫星Joanna Angel喺四仔界乜都夠膽玩，成身穿環兼紋身，開波必屬重口味性虐，最架勢係把口，一唔滿意就鬧爆人，好似早前阿妹接受一個鹹網訪問時，就發火鬧爆男主持。話說當時男主持問Joanna：「Do you have any new tattoos？」Joanna好開心咁回答話喺背脊紋咗個Coffee Cup圖案，仲邊講邊擰轉背畀主持睇，同時表示呢個紋身同好姊妹Jessie Lee一人紋一個，杯邊上有個唇印，代表姊妹情深之餘，亦代表兩人無咖啡不歡喎！點知男主持一啲都唔感動，反問Joanna點解唔紋個細啲嘅Cappuccino Cup，紋嗰陣咪冇咁痛囉，Joanna聽後即時發火，爆晒粗話自己最憎飲 Cappuccino，搞到男主持鬼咁尷尬，即刻打完場結束訪問。如果大家想欣賞Joanna嘅最新咖啡杯紋身，就Click入佢個Blog度睇喇！
網址：http://xoxojoannaangel.com
撰文：祖