好多人以為o靚模份工好好做，影幾張露乳溝嘅火辣寫真相，就可以名成利就，其實當中嘅辛酸又有邊個知呢？想知有幾咁辛酸嘅話，睇吓呢位內地o靚模就得。話說佢喺啱啱過去嘅12月底最凍嗰幾日，喺北方冰天雪地嘅環境下影內衣寫真，身上僅穿內衣嘅佢，赤腳企喺雪地上擺甫士，起初佢都可以笑得出。殊不知佢影得幾張後開始頂唔順，對腳凍到僵兼全身冰冷，結果凍到喊咗出嚟，最慘就係畀攝影師影咗落嚟同擺上網。究竟係博同情定係真係咁慘，真係只有佢自己至知喇！
家陣嘅成人擺設唔係勁抽象，就係相當像真，三點盡露兼造型露骨，你叫人哋點樣擺喺屋企度呢？不過咪以為係依家嘅人觀念先至咁開放，其實喺一百年前，不但已經有成人擺設出現，佢哋仲用埋機械齒輪，名副其實睇得又玩得。好似呢個喺19世紀時相當有人氣嘅成人擺設The Gentlemen's Amusement咁，表面上睇係兩個士兵，守衞住企喺中間衣櫃內嘅女人。當大家按下按鈕後，櫃門就會打開，而女人身上嘅衣服亦會隨之而剝清光。順帶一提，家陣呢個玩具價錢已炒到過千美金，有興趣都未必買得到。
撰文：魂