露體同裸體結果一樣，目的各有不同，好似今日主角Holly Peers自爆有鋪裸體癮，任何情況下都想剝清光，偏偏佢又唔想畀人偷睇。為咗露得光明正大，結果走上裸模之路，佢話咁做可以平衡矛盾心理喎！
每年英國都有大量Page 3 Girl出產，但到今日靠剝依然紅得起嘅，Holly Peers必入三甲。天然30F-24-34超震撼三圍，5呎7吋高加一身古胴膚色，自2009年12月第一次裸體寫真出街後，便被英國民眾捧上神枱，到2010年更被公投為《Nuts》雜誌「100 Sexiest Babes 2010」其中一名。事後有網站訪問Holly Peers時讚賞佢非常有「荷里活」氣質，甚有資格做「邦女郎」，點解唔過美國搵食？但喺英國曼徹斯特城土生土長嘅佢，好謙話自己只係得個樣，根本冇才華可言，所以都係繼續努力剝衫，但若然有機會一定唔會放過咁話！
而事實上，阿妹雖然紅爆英美，但一直堅持只替成人報章雜誌及本土演出，就算有人力邀佢拍床上四仔都一一拒絕，難怪外界好懷疑，單靠做封面女郎、內衣女模嘅Holly Peers點維生？
三年以來，Holly Peers堅持以最真實「波哋」滿足大家，身材無變，工作性質亦冇變，連成人雜誌都抓晒頭唔知有乜內容好問，而喺最近一次網站訪問中，整個話題圍繞裸體，當事人自爆從小到大都有鋪裸體癮，而癮起時會即刻想剝衫，每當喺屋企睇電視、煮飯、瞓覺，原來佢都會一絲不掛，連自己都唔知點解會咁，只係覺得全裸感覺好舒服，無奈又怕被陌生人偷窺，所以成年後，Holly Peers就決定做裸模，主動剝畀大家睇，話咁樣可以平衡心理喎！
被問到冬天全裸點取暖？Holly Peers好直接咁話要借助雙手體溫，之不過一直以嚟都係靠姊妹幫手，未試過要搵男人相助喎！
自阿妹出道以來，每年例牌會成為年曆女郎，今年阿妹更賣大包，拉埋姊妹齊齊剝，約HK$75就買到，抵爆！
網址：http://www.calendarclub.co.uk/p-4311-holly-peers-calendar-2013.aspx
好奇怪，Holly Peers出道三年都未曾有專屬網站，不過上網搜尋佢大名就超多人分享，好似呢個網站就有勁多阿妹嘅News同寫真免費任你睇！
網址：http://www.babepedia.com/babe/Holly_Peers
撰文：祖