世界上名不副實嘅事物有好多，正如某弱勢電視台話自己嘅收視率，同另一個大台為四六開。而日本嘅水着女優雖然成日着住泳衣拍照，但係當中有唔少卻係不諳水性，甚至唔愛運動，唔似得中村靜香呢位妹妹仔咁入水能游、出水能跳。
細細個嘅時候，好多師長都叫我哋要努力做運動，話除咗可以令身體健康之外，仲可以促進發育，生得高啲大隻啲。不過，當時小弟唔多信呢一套，因為我已經知道血統嘅重要性，生得高定矮好大原因都係基於遺傳因素，我父系母系都咁矮，點做運動都係徒然，所以索性疊埋心水鑽研鹹書同鹹碟。之但係，中村靜香就令我有所後悔，因為做得運動多，真係可以令身體發育更好。一般嘅日本水着女優身高介乎5呎1至3吋左右，但係靜香就有成5呎5吋高，已經屬於水着界少見嘅長身女優。而阿妹高得嚟豐滿誘人，特別係胸前一對35F美巨乳鮮嫩圓潤，脹卜卜得嚟質感天然，極具彈性，又大又美觀，真係相當難得！
靜香佢生得天真可愛，活潑又開朗嘅性格相當討好。小時候就已經咁得人鍾意嘅靜香，14歲時被事務所發掘，搵佢同藤井隆同埋You主持讀賣電視嘅節目《PUCHI-DOLL》。之後，阿妹參加第九次全日本國民的美少女比賽，雖然喺決賽落選，但係亦提升咗知名度，造就佢獲邀成為女子組合美少女俱樂部21嘅成員，並開始參與模特兒工作。到靜香17歲，仲推出第一本寫真集《WATER COLOR》，正式成為水着妹。自言一向都熱愛運動嘅靜香雖然工作忙碌，但係亦冇放棄自己其中一項興趣，就係跑步喇！靜香出完寫真集就挑戰檀香山馬拉松，仲用5小時零9分鐘成功跑完全程，估唔到阿妹胸大，肺氣量都咁大呀！
中村靜香又拍寫真又主持節目，閒來仲做埋歌手，所以活動消息特別多，Click上其專屬網站就睇得清清楚楚喇。
網址：http://beamie.jp/t/shizuka_nakamura.html
年齡：24歲
身高：5呎5吋
三圍：35F-24-34
撰文：賢