由於世界各地嘅龍友愈來愈多，除咗帶動到攝影器材生意蒸蒸日上之外，可以畀佢哋喪影美女嘅攝影會活動亦愈來愈盛行，令各種收費攝影會有如雨後春筍，喺日本仲成為一項重大產業添！最近，AV廠SOD就打破攝影會要收費嘅傳統，開設一個免費攝影會，仲搵埋旗下嘅專屬女優麻生希做模特兒。點解SOD有錢都唔賺咁笨呢？原因係攝影會開設嘅場地乃係屬於SOD嘅一間情人旅館，位於東京嘅「Legend P-DOOR」。免費攝影會吸引到大班龍友到場，除咗可以踩旺個場之外，仲可以為麻生希同自己間酒店宣傳，真係一舉三得，唔收錢都冇所謂啦！
根據非正式統計，作為鹹片生產大國嘅日本，每年製作約2萬部作品，即是一個月推出約1,600至1,700部AV，數量相當驚人。不過，消息指出真正嘅產量唔止得咁少，有好多作品拍咗之後因為各種原因而冇辦法面市。日本作家井川楊枝出過一本書叫做《被封印的成人錄像》，當中提及過唔少AV作品可以因為涉及宗教問題、國際間敏感事項，甚至係因為女優拍攝中途意外身亡或事後失蹤，令到作品要永久「埋藏」。由於呢本書嘅題材實在太敏感又太吸引，所以出版之後被搶購一空，幸好最近推出咗電子版，大家有興趣了解種種AV秘聞，千祈唔好錯過喇！
演藝界同AV界每年都有好多人引退，又有好多人復出。每當佢哋引退都會大做宣傳，美其名就係隆重其事，實際上就係谷埋最後一口氣去吸金。其實計我話，如果明知自己仲有機會再踏台板，就唔好話引退，咁咪唔使復出嘅時候，畀人話姣婆守唔到寡囉！咁點做最好？好似G奶天后北川瞳咁宣告小休一段時間，話明好快會同影迷見面咁就最好不過喇！呢位G奶小美人近年出品多多，今年推出嘅AV超過40部，阿妹話因為拍到好攰，所以想休息一下。不過，有小道消息就話瞳妹其實係因為最近同男友情海翻波，所以佢至決定小休半年，希望可以箍煲喎！
撰文：賢