作為零售業嘅前線服務人員，除咗要口才了得，仲要對產品有深切了解，更要有高強應變力，如果唔係分分鐘畀顧客嘅奇怪問題考起。眾多行業當中，相信以銷售情趣用品服務最多奇怪問題喇。
咁最常見嘅奇怪問題又係乜呢？根據一個喺美國知名情趣用品店工作嘅銷售員表示，最多人問嘅問題係：點解店內嘅SM道具當中冇金屬手銬。而當佢問過高層後，就知道原因有好多，一係金屬手銬戴上手唔舒服，長時間使用更加可能傷到筋骨，而且銬上後活動空間極之有限；二係唔見咗鎖匙的話，將會好麻煩！果然言之有理。
有科學家話愈着得多衫就愈唔健康，仲話現代人應該效法古代人咁赤身露體，咁先可以提高身體嘅抵抗力同適應力。而外國就有唔少天體愛好者鍾意剝光豬四圍去，佢哋話咁樣唔單只健康，仲可以融入大自然喎。
最近，一班英國嘅天體愛好者喺伯明翰開設咗間特別嘅水療酒店。呢間天體水療酒店叫做Clover Spa，係由大屋改建，除咗有七間房，仲有一系列蒸氣浴室、按摩室、前後花園以及水療浴室等等。能夠享受水療固然舒服，最爽就係入到去可以剝光豬通處行，完全冇人會理會，而其他客人亦係咁，男人梗係大飽眼福喇！而每晚房租約為145英鎊（約HK$1,740），價錢合理。
撰文：小德