早排英國有調查發現，英國人嘅性觀念相當開放，當中尤以劍橋為最，當地人不但易於接受新奇嘅性玩意，而夜總會、脫衣舞場，甚至換伴俱樂部等更堪稱全國至為密集。有見及此，有旅遊網站就推選出四個家陣英國至Hit嘅換伴俱樂部，不但各具特色，更挑戰大家嘅開放程度！
換伴俱樂部究竟點先至可以讓人玩得開心？答案除咗私隱度要夠高外，仲要氣氛夠好，而呢間換伴俱樂部就完全做到呢點。每對入場嘅男女個個都會戴定個面罩，保持神秘性同私密度後，就可以喺俱樂部度大玩特玩。唔少去過嘅男女都話，呢個場嘅人勝在夠志同道合外，仲相當有禮貌，唔會夾硬迫人同佢哋玩，就算目的唔係為咗Sex，入嚟當識朋友都冇問題。
唔少對換伴有戒心嘅男女，擔心佢哋嘅私隱會流出去，如果係咁嘅話呢間換伴俱樂部就絕對可以讓大家一百個放心。事關呢間俱樂部被喻為全英私隱度最高嘅換伴俱樂部，只招待嚴格挑選過嘅會員，不但唔可以有不良記錄，而每對入到去嘅男女，除咗要戴面罩外，仲要做足各種身份核查手續，更唔可以帶任何具有攝錄功能嘅產品入場，否則會即刻被Out！
雖然換伴係刺激又好玩，但若然每次都係唱歌、跳舞同飲酒嘅話，真係有啲單調。不過如果去呢間俱樂部玩，大家就唔使擔心會悶親。事關除咗設有酒吧同的士高區外，仲有一個男女混浴嘅桑拿浴池、桑拿房同埋健身室，等大家可以同心儀嘅異性齊齊去浴涼同玩樂。不過最吊詭嘅就係呢度仲設有特大休息房，至於用嚟做乜？大家心照啦！
話明係「For Fun」，就知呢個場為咗滿足入場男女嘅需要啦！為咗切合呢個宗旨，唔單止設有大型嘅的士高舞台同酒吧，更設有唔同主題嘅私人包廂，當中有牢房、車屋、懷舊酒吧、熱帶雨林等，當然唔少得大型梳化同大床，方便大家玩樂。不過大家要記住，換伴俱樂部都係行會員制o架！
撰文：魂