日本各行各業都有專精一味嘅店舖，例如有食店只會賣牛肉飯，豬肉飯、雞肉飯免問。而寫真界亦有好多專門作品，例如有寫真集入面只有濕身鏡頭，又或者只係影美腿，好此道者買一本就滿足晒所有慾望。如果大家會因為女性嘅朱唇而感到誘惑，今次介紹嘅《唇曆2013》就一定深得大家歡心喇。呢個月曆上面嘅照片全部都係女性朱唇嘅大特寫，不過大家唔會覺得悶，除咗因為各個朱唇都有其獨特形態以及以不同顏色、質感嘅唇彩滋潤外，部分仲會加插咬手指、舔指頭或者係作索吻狀嘅動作，將朱唇嘅魅力盡情發揮！
售價：HK$86
撰文：小德