命運，往往令人難以掌握，正因為咁，不論係達官貴人，定係平民百姓，都鍾意求神問卜，而索爆嘅裸模Andi Land更係深信星座命理，不但每事必睇星座運程，更認為只要參透箇中奧妙，必定可掌握命運。
有人話星座係迷信，亦有人認為星座係種統計學，姑勿論大家點樣睇，今年24歲嘅裸模Andi Land就非常相信星座。唔講唔知，Andi早喺十幾歲時就已經深信星座運程，皆因佢覺得自己係個典型嘅白羊座，性格不但頑固，而且衝動、激情又坦率，呢啲正好係白羊女嘅性格特徵。此外，星座命理更同Andi投身裸模行業有極大關係，話說當年Andi個好友去成人雜誌應徵模特兒，Andi出發前先幫老友睇星座運程順便又幫自己睇睇，發現星座命盤話佢當日有決定命運嘅轉變。嗰日老友面完試後，考官見到喺度等老友嘅阿妹，提議佢不如試埋鏡，結果Andi就係咁樣入咗行。
憑住前凸後趷嘅身材，Andi入行後發展得相當順利，除咗不斷幫成人雜誌影相外，仲有機會參與MV演出。不過講到Andi最想做嘅，竟然唔係拍電影同埋模特兒，而係成為一個人氣星座占卜師！Andi曾經喺一個訪問中表示，佢不嬲都有幫人睇星座命盤，而且仲相當準，唔少老友都提議佢不如試吓專職幫人哋用星座嚟占卜，因此自2010年起，Andi就喺酒吧度擺檔，收錢做其兼職星座占卜師。雖然冇問到Andi搵唔搵到食，但係憑住Andi咁出眾嘅外貌，加埋佢對星座命理嘅理解，相信應該不乏捧場客。據Andi透露，遲啲佢仲會推出星座書，唔知書中會否加插Andi嘅啜核性感寫真相呢？
Andi個官網做得相當認真，除咗啲相更新得快外，Andi更經常喺上面同大家傾偈兼發布最新動向，只係唔知佢會唔會喺上面同大家嚟個星座占卜呢？點解會唔知道？唔好意思，皆因Andi個官網係採用會員制，要入會至有得入去同佢吹水。
網址：andiland.com
出生日期：1987年4月11日
身高：5呎3吋
三圍：34B、25、30
撰文：魂