有人覺得行性感係名成利就嘅最佳途徑，只係時間耐咗，新鮮感愈嚟愈低時，吸引力自然大減，此時究竟仲可以用乜嘢招數嚟吸引眾人嘅目光？性感成人模特兒Brooke Banx深明呢個道理，故此佢喺露得其所之餘，仲趁人氣高企之際踩入商界，邊個話波大冇腦？
識得善用頭腦，為自己個荷包作出最大嘅利益，真係少啲計算都唔得，因此好多人以為Brooke Banx之所以投身成人模特兒界，係因為佢睇中咗人氣模特兒成名時間夠快，搵錢又夠多嘅道理，可是事實並非如此。原來夢想從商嘅佢，因緣際會之下，喺04年時被星探發掘拍攝一個頭髮護理產品嘅廣告。Brooke話佢發夢都估唔到竟然可以憑髮入行，世事就係咁奇怪！而呢個廣告不但令Brooke一舉成名，跟住落嚟佢又接下一連串廣告、寫真、天橋騷、電視節目嘉賓等工作，成名之路一帆風順之餘，更讓唔少新進模特兒羨慕到出晒面。
雖然Brooke出騷機會多，錢亦愈搵愈多，但佢仍然不忘夢想係踩入商界，因此佢挾住極高嘅人氣，以個人肖像權同唔同嘅公司合作，推出各種商業產品，當中包括文具、電腦產品、時裝等，而最近佢更做埋老闆推出個人系列比堅尼泳衣，務求盡用個人名氣嚟搵錢。點解Brooke會咁醉心於商業呢？Brooke解釋若然想得到最好嘅生活，就一定要位於社會嘅最高層，而放眼世界位居最高層者，非政客就係商人，故此佢一直以嚟以成為成功商人為目標。估唔到樣靚身材正嘅Brooke，居然能夠對世界睇得咁透徹，果然係個非一般嘅成人模特兒！
雖然Brooke近嚟埋首佢嘅商業發展，但仍不忘喺個人網站度同粉絲進行交流。早排佢就喺網上透露家陣讀緊個心理學課程，話希望可以幫到都市人紓緩緊張嘅情緒。有波哋有樣貌又有內涵，Brooke果真係內外俱備！
網址：www.BrookeBanx.com
出生日期：1986年7月5日
三 圍：34DD-24-36
身 高：5呎4吋
撰文：魂