上網查性愛成癮(Sex addict)病徵你會愈睇愈亂，甚至以為自己係性上癮患者，好在最近有個研究報告指出，醫學專家將性愛成癮列出具體標準，甚至引伸到更嚴重嘅「縱慾症」，想了解閣下有冇性愛成癮症要好好留意喇！包括以下3大準則：
1.喺冇濫藥或長期服用處方藥物情況下，當事人終日出現循環模式性幻想，性慾無法控制，每次出現都要用各種方法盡快解決，時間持續6個月或以上。
2.性交過程中感到不愉快、情緒失控、抑鬱沮喪或焦慮，但依然要重複透過性行為作減壓手段。
3.缺乏自制能力，人際關係差，會對朋友甚至陌生對象輕言挑逗，更會幻想做非禮行為。
報告除咗將性愛成癮作出具體定義，調查中更發現患者每年平均有15個不同性伴侶，當中有17%因無法集中而失業，39%會與固定伴侶分手收場，而最可怕係28%會感染性病，因此男人咪以為性成癮好過癮，有病都係快啲檢查吓好喇！
咩人最快樂，無求最快樂？錯！今日係淫娃蕩婦先快樂，尤其係脫星。根據德州一項研究發現，從事色情行業嘅女性比非從事性工作或一般女士更健康快樂。研究人員話，色情表演有更高嘅自尊，一個更好嘅生活質量及更高嘅精神層面，簡單講係生理心理、物質及精神都得到滿足。
報道指研究咗177個色情表演女性，有半數係四仔脫星至少拍過一部四仔，年齡介乎18至50歲之間，同類相關工作四年，而得出今次結果。報告另一目的係打破外界對色情表演者嘅傳統思想，事關普羅大眾認為脫星都係思想極端、邪惡、淫蕩、濫藥、貧窮、絕望及童年時曾受性侵犯等等喎！細佬覺得調查報告內容一半正確，皆因從呢一代嘅脫星訪問中所見，絕大部分都為身為脫星感到自豪，之不過係咪比普通女性健康快樂，咁就要佢哋至知喇！
撰文：祖