嚟自南方嘅靚女，要同一眾身形高大、身材豐滿嘅北方美女爭一日長短，真係唔係件容易嘅事，但今日要介紹嘅呢位內地名模，絕對係少數嘅成功例子，佢就係嚟自廣東潮州嘅林筱諾。睇真佢個樣，竟有啲鬼鬼哋嘅？
林筱諾嘅洋名叫Alin，爺爺係英國人，有四分之一英國血統，所以得天獨厚，五官明顯深邃，拍起照片嚟零舍上鏡。阿妹身材高挑，有170cm，一對40吋嘅修長美腿，令外形特別加分。最令網友驚艷係佢嘅三圍，上圍35吋E級，24吋小蠻腰，再配埋35吋豐滿翹臀，真係去到外國都有得揮。Alin可能有啲「鬼妹仔」性格，要佢拍攝性感寫真，絕對面不改容，就算2010年啱啱出道時，亦二話不說就答應，更盡力滿足攝影師要求，所以一直以來拍攝工作不斷，性感作品更係持續喺網上流傳。
Alin嘅粉絲人數不斷升高，近年更跨越動漫界，多次替網絡遊戲生產商做代言，仲按需要以性感造型示人，令一眾深居簡出嘅宅男都做埋佢嘅粉絲。Alin除咗做平面模特兒外，仲不時面對群眾，例如會以嘉賓身份出席電視台嘅綜藝節目，有時更做埋嘉賓主持，更不時出席大大小小嘅商業活動，令Alin嘅新聞喺媒體不停出現，人氣度歷久不衰。最近Alin更有份演出兩套電影，雖然暫時都係啲小角色，隨着佢嘅人氣同知名度提升，相信好快就有主角做o架啦！
林筱諾同其他模特兒一樣都有自己的微博，但裏面新照片不多，所以推介呢個專屬網站畀大家，事關Alin周不時都會將啲噴血寫真貼上去，千祈咪錯過。
網址：www.moko.cc/kissalin
出生地：廣東潮州
三圍：35-24-35
身高：170cm
撰文：龍四海