如果囡囡被稱為「人間『胸』器」，相信佢嘅胸部一定十分豐滿，性格仲要幾火爆吓，如果唔係都唔會被網友喻為「兇」，喺內地芸芸美女模特兒中，能夠有以上稱號嘅，非今日要介紹嚟自北京嘅剛小希莫屬。
報稱胸部有F級嘅剛小希，約2009年出道，憑其驕人身材，喺模特兒界火速冒起。小希除咗胸部有36吋F級外，身高亦有170cm，修長美腿加上幼腰翹臀、膚色白嫩，外觀獎攞足一百分，露少少都已經令人噴晒血，所以出道冇耐，就被網友封為「無『乳』倫比超級模特兒」。又難怪網友咁撐佢，事關小希走性感路線，每一輯寫真都大膽演出，唔係中空大露乳溝，就係玉背大露美股，總之不停咁露，令人驚喜不斷，就算有廠商搵佢拍廣告，都會繼續性感，由於有大量粉絲支持，廣告商亦唔會反對，小希露得愈多產品就愈受人關注，種種連鎖關係，令小希拍攝工作不斷，豬籠入水。
小希係北方人，性格比較率直，加上個性豪放，喜怒不加掩飾，好似舊年喺北京工人體育館附近嘅飯店，就發生咗「鬥波門」事件，仲畀途人拍成短片放上網。故事係小希同男友人到該飯店食飯，遇上男友人的兩個朋友，對方一男士見名模在前，加上小希當晚着得十分性感，於是攞手機出來拍攝，小希亦樂於配合，但反而引起該男士的女伴呷醋，兩人發生口角，最後小希更因而春光乍洩，短片曝光後，自然受到某程度的負面影響，但小希繼續我行我素，專心工作，因而深得一眾新生代歡迎。近年小希喜歡拍攝一些有故事性嘅寫真，唔知遲啲會唔會進軍影視圈？以小希嘅條件，相信絕對冇問題！
出生地：北京
三圍：36F-25-36
身高：170cm
專屬網站
http://blog.sina.com.cn/s/profile_1750093130.html
撰文：龍四海