鍾意試新口味，呢層相信唔少男士都會認同，由於內地情傾韓風關係，故此有啲夜場亦會引入泡菜妹，讓玩家有新鮮感。不過杭州有啲邪骨場以冒牌泡菜充正菜，收費唔單止貴，服務仲相當曳，分明當玩家係水魚啫！
聽個老友講佢早排喺杭州某邪骨場，見到有泡菜技師可供選擇，老友就問經理，喺邊度搵啲泡菜妹嚟。對方聲稱佢哋間唔中都有泡菜囡囡供應，如果老友有興趣嘅話，大可以留電話嚟預約云云。老友心諗咁大個仔，都未試過同泡菜囡囡交手，既然一場嚟到就算貴啲都要吔，於是就叫經理帶幾個泡菜囡囡嚟睇吓。囡囡入到嚟就用韓文同老友打招呼，而老友見班泡菜妹質素係就係麻麻，卻勝在有前有後，論偈都算食得過，於是佢就Mark咗其中一個技師入閘。入到房，老友就用簡單嘅普通話諗住同囡囡傾偈，點知囡囡十問九唔應，換用簡單嘅英文亦都係咁，最慘就係上到床更係粒聲唔出，搞到佢名副其實嘅默默耕耘至完場。
經過悶到爆嘅一場床戰後，老友同囡囡一齊出閘。殊不知行出走廊，就有個內地玩家同囡囡用日文講嘢，而囡囡聞言就急急腳跑咗去。老友好奇地問嗰位玩家，點解用日文嚟同佢傾偈。對方就話嗰個囡囡係日本囡囡嚟，唔用日文唔通用英文咩？咪住！乜佢唔係泡菜囡囡嚟咩？點解又變咗做日本妹o架？老友同對方傾得一陣，發覺當中應該有景轟，懷疑囡囡其實係內地囡囡，只係充完日本妹又扮泡菜妹，於是就出現咁嘅情況。兩人就走去搵經理，點知經理話一啲都唔知情，仲話要搵囡囡嚟傾吓，跟住就打手機畀對方，點知手機冇人接之餘，其他囡囡就話泡菜囡囡已經走咗，Timming真係夾到好似做戲咁。其實問都係多餘，呢壇嘢擺明係呃人啦！
地點：杭州
語錄：假蛋假酒假豉油，冒牌泡菜梗係有，乜你覺得好出奇咩？
撰文：豆豉