早前為大家介紹過，日本AV小天后Rio推出智能手機嘅鬧鐘App，畀用家每一朝都可以聽到其嗲聲嗲氣叫醒自己。由於Rio名揚亞洲，據講呢個App嘅下載率相當高。唔知係咪見到呢個鬧鐘App咁好搵，所以日本AV名廠SOD嘅新紮小花紗倉真菜都有樣學樣呢？最近，呢位年僅18歲嘅F奶女優，於SOD網站上面，拍賣一個鬧鐘，睇落雖然平平無奇，但係鬧鐘原來又係收錄咗阿妹把嬌嗲聲線，所以令呢個鬧鐘放上網拍賣嘅時候，好快就由1,000日圓嘅底價，搶高到27,000日圓，即係接近2,700蚊港紙，好似貴咗少少喎。
鑑於近期好多人都轉用智能手機，所以日本AV女優亦都要食住條水，推出智能手機App，例如北条麻妃嘅性技評分App。AV名廠S1本季嘅重點專屬新人女優倉多真央最近正式登場，為咗谷起人氣，亦向Apps市場埋手。阿妹最近一次過推出3個以自己為主題嘅Android小遊戲Apps，包括《倉多真央拼圖》、《倉多真央的神經衰弱》（即係卡牌配對）以及畀玩家可以吹起佢條裙嘅《男人之願望內褲走光》。由於3個Apps都免費下載，仲樂而不淫，相信好多非AV迷亦會下載嚟玩一玩，谷人氣效果應該不俗。
撰文：祖