有人話打野戰最好嘅地方，就一定要數公園。事關嗰度樹叢夠多又多地方匿，夜晚更係人都唔多個。美國早排就有網站搞咗個選舉，睇吓邊個公園至啱打野戰。雖然係純粹搞笑，但每個入選公園又真係有自己嘅賣點㗎！
Elysian Park出名係個環境幽美嘅公園，裏面唔單止有水池，而且仲有唔少園藝裝飾，環境確係既舒服又多地方匿。有人就話呢個公園因為大得嚟，晚上又冇乜人，最重要就係交通夠方便，同女友嚟曬月光兼談心，跟住情到濃時再曳曳，絕對係正！不過有網友就稱，呢度唔單止吸引情侶，仲係男同志嘅集中地，若然唔想誤撞人哋嘅好事，咁就要記得留意吓附近嘅環境喎！
如果對野戰有要求嘅男女，Echo Park Lake相信一定可以滿足到佢哋。事關佢被公認為最浪漫嘅公園，裏面唔單止有一個相當大嘅人工湖，四周更廣植棕櫚樹，兼且有唔少畀人休息嘅長櫈同涼亭，最重要係有一片佔地勁大嘅草地。慾火焚身嘅男女鍾意喺草地上碌地沙又得，走去涼亭匿埋一二邊曳曳亦得。不過，雖然可以匿嘅地方有好多，但係夜晚卻有唔少遊人，記住要識得搵位呀！
狗公園都係野戰勝地？係咪真o架！係呀！仲要係位列第三，被認為係最佳野戰地點呀！點解野戰會玩到去狗公園？咁就梗係有佢嘅原因啦！須知道美國有唔少養狗男女，對少男少女嚟講，最好出街嘅藉口莫過於話要去放狗。一啤男女放放吓狗，情投意合加上乾柴烈火，唔通叫佢哋去爆房咩？Silver Lake Dog Park夠大又多鬼崇位，自然係佢哋滅慾火嘅最佳地方啦！
有啲網友推舉出嚟嘅公園，真係相當騎呢！好似呢個位置相當偏僻，只有少數人去嗰度行山、踩單車嘅Towsley Canyon Park咁，被推選出嚟嘅原因，就係佢夠風涼水冷。之但係要揸成個幾鐘頭車至去到，不如留番喺車度玩車震好過。
撰文：魂